Тұрсын Әбдуәли

Тұрсын Әбдуәли - 1939 жылдың 1 кыркүйегінде Алматы облысының Көксу ауданындағы Мұсабек ауылында дүниеге келген. Орта мектепті бітіргенен кейін еңбек жолын Айнабұлақ теміржол станциясында жұмысшы болып бастаған ол 1958-1962 жылдарда әскер қатарына шақырылып, азаматтық борышын өтеген. Кейін В.И.Ленин атындағы Москва Мемлекеттік педагогикалық институтында оқи жүріп, үш жылдық Марксизм-Ленинизм университетінің журналистика факультетін, Свердлов мемлекеттік педагогикалық институтын, Москва қоғамдық ілімдер Академиясын бітірген. 1963-1998 жылдар аралығында журналистік және жауапты партия қызметтерінде – Талдықорған облыстық партия комитетінде ақпарат құралдары бойынша нұсқаушы, лектор тобының жетекшісі болған. Осыдан соң саяси ағарту үйінің меңгерушісі, облыстық телевизия және радио коммитетінің төрағасы, сондай-ақ аудандық, облыстық газеттердің бөлім меңгерушісі, редактордың орынбасары, облыстық «Октябрь туы», «Жерұйық» газетінің бас редакторы, республикалық «Егемен Қазақстан» газетінің тілшісі сынды қызметтерде болған. 2002 жылға дейін Қазақ еңбек және әлеуметтік қатынастар академиясында саясаттану және философия пәндері бойынша аға оқытушы болып қызмет істеген. 2021 жылы өмірден өткен.