Тарихтағы ең үздік 100 роман анықталды

Ағылшындық «The Telegraph» басылымы тарихтағы ең үздік 100 романның тізімін жариялады. Мұндай тізімдер әр жылдарда әртүрлі медиа платформаларда жасалып тұрады. Осы жолғы тізімде ең бірінші орынға ағылшын жазушысы Жорж Элиоттың 1871-72 жылдары жарық көрген «Миддлмарч» романы лайық деп танылды.

Екінші орында Герман Мервилдің «Моби Дик» (1851ж.) романы. Үздік үштікті Лев Толстойдың «Анна Каренинасы» (1878 ж.) түйіндеген.

Төртінші және бесінші орындарға Генри Джеймстің «Әйел портреті» романы мен Жозеф Конрадтың «Түнектің жүрегі» романдары тұрақтады.

Үздік ондыққа:

Марсель Прусттың «Жоғалған уақытты іздеу»;

Шарлотта Бронтенің «Джейн Эйр»;

Джон Максвелл Кутзеенің «Арсыздық»;

Виржиния Вулфтың «Миссис Дэллоуэй»;

Мигель де Сервантестің «Дон Кихот» романдары лайық деп танылған.

ТОП-100-тің тізімін Д. Толкиеннің «Сақиналар әміршісі» фэнтези романы түйіндеп тұр.

adebiportal.kz