Айтыс өнерінің публицистикалық сипаты
Монографияда айтыс өнерінің қалыптасып, өркендеу кезеңі болып табылатын ХІХ-ХХ ғасырлар мен ХХІ ғасырдың алғашқы онжылдығы шамасы қамтылған. Сөз өнерінің ақпараттық сипатын таныту мақсатында көне түркі дәуірі (VI-XV ғғ.) мен қазақ хандығы (XV-XVIII ғғ.) кезеңіндегі ақын-жыраулар шығармашылығына қажетіне қарай ғылыми пайымдаулар жасалынады. Осы уақыт бедеріндегі айтыс өнерінін ақпараттық, деректілік сипаты айқындалып, әлеуметтік, қоғамдық маңызына жан-жақты талдау жүргізіледі. Халық шығармашылығының публицистикалық қырлары уақыт пен қоғам арақатынасы негізінде қарастырылады.
Зерттеу жоғары оқу орындарындағы журналистика мамандығы бойынша оқып жүрген студенттер мен жалпы әдебиет пен өнер сүйер қауымға бағытталған.
