Ақ көйлекпен шығып ең
Бұл жинақ ақынның жастық, достық, махаббат тақырыптарына арналған алғашқы өлеңдерінен құралған. Қанаты қатаймаса да ұясынан ерте ұшуға талпынған балапан тәрізді балаң жырлар - онсегіз бен жиырма бестің арасындағы бозбаланың әлі ешнәрсеге былғана қоймаған мөлдір сезімін, адал махаббатын паш етіп тұрғандай. Өлеңдердің біразы еш жерде жарияланбай қойын дәптерде қалып қойғандар, кейбірі бұрынғы жинақтарда аяусыз түзетіліп, мүлдем өзге өлең болып шыққандар еді. Автор енді сол түзетілген өлеңдерді де қағазға түскен алғашқы қалпында оқырманға ұсынғанды жөн көрді.
