Қазақстан Жазушылар және Журналистер Одағының мүшесі, Қазақстан Республикасының мәдениет қайраткері, Халықаралық Жамбыл қоры сыйлығының лауреаты, Абайға, Астанаға, ақын Төлеужан  Ысмайыловқа арналған республикалық жыр мүшайраларының Бас жүлдегері Төлеген Жанғалиевтің «Маңдайымның жазуы» атты жаңа жыр кітабына ақынның соңғы жылдары жазған өлеңдері іріктеліп алынды.

Ақын – сол өзі өмір сүріп отырған қоғамның барометрі. Тіршілік күресі. Адамдар арасындағы ақиқат пен шындық, арамдық пен адалдық, қуаныш пен күйініш сияқты өмір көріністері кітаптың негізгі лейтмотиві.

Ақынның заман, қоғам жайлы толғаныстары да көңіл толқытады.

Кестелі сөз, көркем тіл, шұрайлы ойлар – Төлеген Жанғалиев өлеңдерінің ұзын-арқау, кең тұсауы.