Ақын, жазушы, драматург, жыршы, манасшы, Қазақстанның еңбек сіңірген қайраткері Баянғали Әлімжановтың Шығармалар жинағының 19 – томына әдеби зерттеу, мақала, естелік, лебіз, сұхбаттары топтастырылған. Батырлар мен бұрынғы заманның айтулы тұлғаларына арналған еңбектері ата – бабалар аңыздарымен қоса , әлем халықтарының да тартымды хикаяларын қамтыған, дерегі де, берері де мол дүние. Алаштың айтулы азаматтары , әдебиет пен өнердің көрнекті өкілдері , ұстаздары туралы естеліктері де шынайы, ой саларлықтай мазмұнды. Сондай-ақ, көз көрген көрнекті адамдар туралы, өткен заман мен бүгінгі өмірдің қилы-қилы оқиғалары жайлы тартымды жазбалары мен өзекті сұхбаттары да оқырманын баурап алатын қызықты әрі мағыналы дүниелер.