Бұл фотоальбом Қазақстанның 1930-2000 жылдар аралығындағы тыныс-тіршілігін, ұлттық салт-дәстүрін, соғыс және еңбек ерлерін, әр саладағы белгілі тұлғалардың бейнелерін мәңгілік тарихта қалдырған, баспасөз арқылы халыққа танытқан, ел сүйіспеншілігіне бөленген ардагер фотошежірешілер еңбегіне арналып отыр. Фотожинақты бүгінгі қоғамға аса қажет болып тұрған фотожурналистика жүйесін қалыптастыру, дамыту мақсатында құрылған «ФОТОӨНЕР» қоғамдық бірлестігі ұсынды.

Әрбір фотосурет халықтың тарихынан хабар береді. Тарихи фотосуреттер өз заманының үлгісі ретінде ұрпақтан ұрпаққа мұра болып қала береді.

Фотоальбом осы салада қызмет етіп жүрген мамандарға, зерттеушілерге, студенттерге және фотографияға қызығушылық танытатын әрбір оқырманға арналған.