Қазақ тіл білімінің мəселелері
Филология ғылымдарының докторы, проф. Жамал Айтқалиқызы Манкееваның зерттеу жұмыстары жаңа ХХІ ғасыр басындағы қазақ тіл білімінің озық үлгілерінің бірінен саналады. Өйткені ғалым еңбектерінде тілтанымның заманауи салалары – этнолингвистика мен лингвомəдениеттану «ұлт – тіл – мəдениет» контексінде, жаңа бағытта, атап айтқанда, когнитивтік жəне антропоөзектік көзқарас тұрғысынан сараланады.
Басты рухани қазынамыз саналатын ана тіліміздің кумулятивтік қызметін жан-жақты ашып көрсететін, тарихи морфология мен лексикологияның өзекті теориялық мəселелерін сөз етіп зерттеуші еңбегі тілші ғалымдарға жəне көпшілік тіл жанашырларына арналған.
