Бұл томда Орталық Азия кеңістігіндегі орта ғасырдағы түркі ойшылдарының рухани мұрасы жинақталған. Түркілік жазба мәдениетінің алғашқы көрнекті үлгілері болып табылатын Орхон ескерткіштерінен бастап Қорқыт Ата кітабы, Оғызнама жырларымен қатар “кодекс куманикус” сияқты сирек кездесетін мәтіндері келтірілген

Сонымен қатар түркі әлеміне аты жайылған Махмұд Қашқари, Жүсіп Баласағұн, Ахмед Иүгінеки, Рабғузи, Құтып, Хорезми, Хұсам Кәтиб, Сәйф Сарайи сияқты даналардың негізгі шығармаларының мәтіндері антологиялық принциппен іріктеліп берілді.

Бұл еңбек студенттерге, магистранттарға, аспиранттарға, оқытушыларға және қазақ халқының философиялық мұрасына қызығатын оқырман қауымға арналады.