‘‘Ақынмын ауылдағы дала кезген, Даланың сырын шерттім қара сөзбен...” – деп ақынның өзі жырлағандай кең далада жүріп өлеңді өзіне серік еткен, өмірден көргенін түйіп, ұрпағына өсиет етіп қалдырмақ ойды жырға айналдырған ақын атамыз Қайырғажы Қамашұлы Қыңырбековтың жазған өлең шумақтары
жеңіл, тілі бай, қазақтың нағыз ауылдық өмірін, ұрпағының игі істерін суреттейді. Жыр-дастандары бірде мұңды, бірде шарықтап, бірде қуантады, тарихи тылсымнан сыр шертеді. ‘‘Бір ұлы тауға шықтым сексен деген, Қалды артта жеңіл жүріс, сепсеңдеген...” – ақын атамыздың жасы сексеннен асса да қаламы ұшқыр, айтар ойы терең, жазар көркем сөзі тың, өмірдің небір ауыртпашылығына қажымай, еңбек ете бермек.
Ақынның баспадан шыққан бұл екінші кітабы қалың оқырманға жол тартып, берері мол қазына болатынына сенімдіміз.
