Әдебиет - ұлттың жаны. Ұлттық сана, тағдыр, жан жүйесі - көркемөнердің басты тақырыбы. Таптық жік арқылы әдебиет жасалмайды...
Жүсіпбек Аймауытұлы

Басты бет
Кейіпкерлер
Аңшыбай батыр және оның ұрпақтары
Аңшыбай батыр және оның ұрпақтары
Рейтинг: 5.000

Aңшыбай батыр және оның ұрпақтары - Қырымның қырық батыры топтамасына енетін көлемді жыр. 1942 ж. ақын М.Хакімжанова Мұрын жырау Сеңгірбаевтың нұсқасынан хатқа түсірген. 7-8 буынды жыр, 11 буынды қара өлең өлшемімен жырланған. Жыр генеалогиялық негізде топтастырылған. Аңшыбай, Парпария, Құлтықия, Едіге, Нұрадин, Мұсахан, Орақ, Мамай, Қарасай, Қази - бәрі де бір ата тектен тараған батырлар. Жырдың бастапқы бөлігі аңыздық-эпик. желіге қүрылса да, өзге салаларының тарихи негізі бар. Тоқтамыс, Сәтемір, Ағыбай, Қожан, Шаппаз, Шамақан - тарихи прототипі бар тұлғалар. Жырдың тарихи этник. арқауы ондағы толып жатқан ономастик. атаулардан да байқалады (Хиуа, Үргеніш т.б.). Осының бәрі жырдың тараған аймағы. геогр. шегін де айқындап түрған мәліметтер. Жыр Батырлар жырының 5-томында толық жарияланған (1989).

Көп оқылғандар