Белгілі жазушы Қуандық Түменбайдың «Төрт амал тіршілік» хикаяты қазақ әдебиетінің табысы. Жары химия лабороториясында денсаулығынан айырылып, баласы соның зардабынан ерте шетінеп кеткен ғалымның жалғызілікті тағдыры адами құндылықтардың құдіреті арқасында күйреуден аман қалады. Бүгінгі үлкен биіктерді бағындырған саналы ұрпақ кешегі дана қариялардың алдында әлдебір кінәсі бардай елегізе береді. Шығарманың тартымдылық сыры сонда. Бұл жәй ғана отбасылық проблема емес. Әулеттің алдындағы жауапкершілік ұлттың алдындағы жауапкершілікке ұласады. Астарында ұлт тағдырын күйреуден аман алып қалу идеясы жатыр. Шығарманың әр тарапқа меңзеген жұмбақ сыры көп.