Биылғы жыл республика көлемінде аталып өтіп жатқан қазақтың заңғар жазушысы, мемлекет қайраткері, Қазақстанның халық жазушысы Әбіш Кекілбаевтың 85 жылдық мерейтойының қорытынды іс-шарасы ретінде - Астана қаласы Қ. Қуанышбаев атындағы мемлекеттік академиялық Қазақ Ұлттық музыкалық драма театрында «Кемел тұлға келбеті» атты халықаралық форум өтті. Форум аясында жазушының еңбектері мен жинақтары, өмірінің әр кезеңінен сыр шертетін фото көрме өтсе, 2-4 желтоқсан аралығында «Әбіш әлемі» атты тақырыппен жазушының «Шыңырау», «Күй», «Бір шөкім бұлт» шығармалары желісімен “Қалеки" театырында сахналық қойылымдар қойылды. Қойылымды Н. Жантөрин атындағы Маңғыстау облыстық музыкалық драма театры артистері келіп сахналады.
Бұл іс-шараның және де бір айта кететін сүйінші жаңалығы, абыз жазушының бұрын еш жерде жарық көрмеген өлеңдер топтамасы «Дәурен кешкен» жыр жинағы қалың оқырманға жол тартты. Сонымен бірге «KUY» атты кітабының түрік тілінде жарық көріп жатқанын айырықша атап өткіміз келеді.
Тұсау кесерге жазушымен үзеңгілес жұмыс атқарған, қалам тартқан зиялы қауым өкілдері мен жазушының ұрпақтары, БАҚ өкілдері қатысты.
Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)
Мақала авторының көзқарасы редакцияның көзқарасын білдірмейді.
