14 ақпан – Халықаралық кітап сыйлау күніне орай QazContent АҚ құрамындағы “Әдебиет порталы” Астана қаласындағы Күләш Байсейітова атындағы Қазақ ұлттық өнер университеті ұжымына 100 кітап сыйға тартты.
Сыйға берілген кітаптар қатарында қазақ әдебиетінің таңдаулы классикалық және заманауи туындылары, сондай-ақ гуманитарлық бағыттағы танымдық еңбектер бар.
Игі бастама студент жастардың кітап оқуға деген қызығушылығын арттыруға, рухани құндылықтарды насихаттауға және ұлттық әдеби мұраны кеңінен танытуға бағытталған.
Бұл акция кітапты бөлісу мәдениетін қалыптастыруға, білім мен өнер ордалары арасындағы рухани байланысты нығайтуға үлес қосатын болады.
