«Әдеби дискурс» подкастының кезекті шығарылымында «ХХІ ғасыр әдебиетінің жаңа парадигмалары» тақырыбы талқыланды.
Бұл шығарылымда әдебиеттегі жаңа зерттеу тәсілдері мен ХХІ ғасырда қалыптасқан негізгі парадигмаларға назар аударылды.
ХХІ ғасырдағы әлем әдебиетінің басты парадигмалары сөз болды. Талқылауда «мәтін ішіндегі мәтін» құбылысы, әдебиеттанудағы структурализм мен постструктурализмнің ерекшеліктері, метамәтін мен метароман мәселелері қамтылды. Сонымен қатар, отарлық дискурс пен қазақ әдебиетіндегі деколонизация үрдістері, әдебиеттегі таңбалық жүйе ұғымдары қарастырылды. Әңгіме өзегінде қазақ әдебиеттануындағы методология мәселесі де қозғалды.
Қонақтар: Жазушы, драматург, аудармашы, алаштанушы, Абай атындағы Қазақ ұлттық педагогикалық университетінің аға оқытушысы, PhD, постдокторант, әдебиеттанушы ғалым – Әлібек Байбол мен SDU университетінің аға оқытушысы, PhD, әдебиеттанушы ғалым – Ақбота Абиыр
