22 қаңтар күні ҚР Ұлттық академиялық кітапханасында Мұрат Пұшатайұлының шығармашылығына арналған ғылыми-конференция өтеді. Конференцияға Қазақстан Жазушылар одағының хатшысы, Дәулеткерей Кәпұлы, Сондай-ақ, ақынның курстасы, белгілі қаламгер, Халықаралық «Алаш» әдеби сыйлығының иегері, Әділғазы Қайырбеков Халықаралық «Алаш» сыйлығының иегері ақын, Сұраған Рахметұлы бастаған зиялы қауым өкілдері және «Әдебиет порталы», «Qalamger.kz» порталы мен басқа да БАҚ өкілдері қатысады деп жоспарлануда.
Мұрат Пұшатайұлы – ақын, қоғам қайраткері 1954 жылы Монголияда дүниеге келген. Ақын орта мектепті Монголиядағы Баян-Өлгей аймағында бітіріп, 1973 жылы ҚР Алматы қаласы, Қазақ Ұлттық Университетінің филология факультетіне оқуға түседі. Ақынның шығармашылық жолы осы кезден басталады. Ақын оқу бітірген соң елге оралып, мәдениет және ақпарат саласында қызметтер атқарса, кейін қалалық мәдениет басқармасының басшысы болды.
Мұрат Пұшатайұлының «Студент дәптері» атты өлеңдер жинағы көзі тірісінде жарық көрсе, сонымен қатар аударма саласында Петровтың «Қара Ертіс» романын орыс тілінен қазақша тәржімалап, «Шұғыла» әдеби журналына жариялаған. Кейін, Алматыда Отандастар қорының қолдауымен өлеңдер жинағы жарық көріп, шығармашылығы үнемі насихатталып келеді. Ақынның «Ел көшкенде», «Ақ сапар» атты әндері бүгінде халық арасына кеңінен танылып, шетел қазақтарының гимніне айналып үлгерді деуге болады.
Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)
Мақала авторының көзқарасы редакцияның көзқарасын білдірмейді.
