Қазақстан Республикасының Ұлттық кітапханасында ақын, халықаралық «Алаш» әдеби сыйлығының лауреаты Мұхтархан Қалиұлының «Ұлы дала дауысы» атты шығармашылық кеші өтті.
«Әдебиет пен өнерді тоғыстырған мәнді шарада қаламгердің жаңа жинағы көпшілікке таныстырылды. Кеш барысында ақынның поэмалары, балладалары және лирикалық өлеңдері топтастырылған «Ұлы Дала дауысы» кітабының көркемдік әлемі жан-жақты ашылып, шығармаларындағы идеялық ерекшелік пен ақындық қолтаңба кеңінен талқыланды.
Зиялы қауым өкілдері Мұхтархан Қалиұлының қазақ поэзиясына қосқан үлесін, оның шығармашылығына тән терең пайым мен ұлттық рухты атап өтті. Әдеби басқосуда ақынның сөзіне жазылған әндер орындалды. Шараға қаламгердің отбасы, әдебиет өкілдері, мәдениет саласының қайраткерлері мен оқырмандар қатысты. Рухани кеш оқырман қауымға ақын шығармашылығын жаңа қырынан танытып, рухани әсер сыйлады», - деп хабарлайды, Қазақстан Жазушылар одағының Баспасөз қызметі
