Қалибек Қуанышбаев атындағы мемлекеттік академиялық қазақ музыкалық драма театры наурыз айының 3,4,5 күндері сағат 18.00-де«ҮЙЛЕНУ» музыкалық комедиясының премьерасын ұсынады.
Қалибек Қуанышбаев атындағы мемлекеттік академиялық қазақ музыкалық драма театры наурыз айының 3,4,5 күндері сағат 18.00-де «ҮЙЛЕНУ» музыкалық комедиясының премьерасын ұсынады. Туынды авторы - Еркін Жуасбек. Режиссері Қазақстанның еңбек сіңірген қайраткері Нұрлан Жұманиязов. Жанры - музыкалық комедия. Композитор - Серікжан Әбдінұров. Қоюшы суретші - Берік Бурбаев. Хормейстер – Ержан Сансызбаев. Хореограф - Салтанат Сұңғат. Киім үлгісінің суретшісі - Шынар Елембаева. Спектакль театрдың Халық аспаптар ансамблінің сүйемелдеуімен өтеді. Дирижер - Маралжан Мырзақұлова.
Үй болу керек, үйлену керек... Кімге? Жоғары білімді, төрт түлігі сай, тәрбиелі жігітке кімді айттырамыз? Әлде, қалыңдықтар «күйеуді» өздері айттырар... Қайсысы дұрыс? Таңдау кімге түседі..? Бірге тамашалайық, көрермен!
Спектакль ішінде қазіргі уақыттағы байлық пен мансапқа деген қызығушылық, адалдық пен сатқындық, жақыбайлық пен іштарлық атаулы адам болмысындағы мінез-құлық ерекше бейнеленіп, оқиға бойы ол сатира мен юмор арқылы өз сыбағасын алып отырады. Қойылым бойы оркестр ойнаған музыка комедияны одан сайын жандандырып, құлпыртып, толықтырып отырады.
Актерлік құрам: І құрам:Қазақстанның еңбек сіңірген қайраткерлері Мейрам Қайсанов, Лейло Бекназар, Жанқалдыбек Төленбаев, актер Дастан Әлімов, Әнуарбек Бектас, актриса Айнұр Жетпісбаева, Динара Егубаева, Диана Жолдыбек, ҚР «Дарын» Мемлекеттік жастар сыйлығының иегерлері Алтынгүл Серкебаева, Жасұлан Ерболат. ІІ құрам: Қазақстанның еңбек сіңіпген қайраткері Ерлан Малаев, Қазақстан Жастар Одағы «Серпер» сыйлығының иегерлері Сая Тоқманғалиева, Шах-Мұрат Ордабаев, актриса Гауһар Жүсіпова, театрдың жас артистері - Бекарыс Шалқар, Біржан Жүнісов, Айдана Әбенова, Гауһар Исмаилқызы, Ситора Анварова, Бейбарыс Орман.
Үйлену – КЕРЕК,
Бұл қажет – ДЕРЕК,
Үй болу – БӨЛЕК,
Махаббат – ЕРЕК,
Жайқалған – ЖЕЛЕК,
Сезімің – КӨМЕК,
Болсаңыз – ЗЕРЕК,
Көрермен, сізді
Күтеміз, демек!
Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)
Мақала авторының көзқарасы редакцияның көзқарасын білдірмейді.
