11 желтоқсан күні, ҚР Ұлттық музейінде мәдениет саласының үздіктері, Сыр өңірінің ақын, жыршы-жыраулары Тәңірбергенов Айбек Жақсанұлы мен Рахметов Айдос Сәндібекұлының шығармаларына арналған «ЖАМПОЗ ЖЫРДЫҢ АЙБОЗЫ...» атты республикалық жыршылар байқауы өтті.
Тәуелсіздік күні қарсаңында өткен республикалық жыршылар байқауының негізгі мақсаты: ҚР мәдениет саласының үздіктері, Сыр өңірінің ақын, жыршы-жыраулары Тәңірбергенов Айбек Жақсанұлы мен Рахметов Айдос Сәндібекұлының есімдерін және шығармаларын жас орындаушылар арасында кеңінен насихаттау. Бабалар мұрасы мен оның даму жолындағы сабақтастықты қамтамасыз ету, орындаушылардың арасынан жаңа есімдерді анықтау, олардың кәсіби шеберліктерін жетілдіру. Халық мұрасын орындаушы дарынды жастардың шығармашылығына қолдау көрсету, қазақтың дәстүрлі жыр өнеріндегі маңдай алды шебер орындаушылардың өнерін кейінгі жас буынға үлгі ету, сондай-ақ, Сыр өңірінің ақын-жырауларының шығармаларын ұлықтап, бұқара халық арасында кеңінен таралуына жол ашу басты нысан ретінде көзделіп отыр.
Республикалық жыршылар байқауына Қазақстанның барлық жыршылық мектептерінен (Қызылорда, Маңғыстау, Алматы, Ұлытау, Қарағанды, Ақтөбе, Атырау, Шымкент) үміткерлер қатысты. Осылайша еліміздің сегіз облысынан келген 25 жас жыршы аламанда аптықпай шауып, өз бақтарын сынады.
Байқау екі кезең арқылы өтті. Айбек Жақсанұлы мен Айдос Сәндібекұлының шығармаларына арналған тұңғыш реткі республикалық жыршылар байқауына Қ. Р Еңбек сіңірген қайраткері, профессор А. Алматов, Қ. Р Еңбек сіңірген қайраткері Е. Жаңаберген, Қ. Р Мәдениет қайраткері А. Көмеков, Ж. Сейтовтер қазылық етті.
Сонымен, әділ-қазылардың бір ауыз шешімімен, Тәңірбергенов Айбек Жақсанұлы мен Рахметов Айдос Сәндібекұлының шығармаларына арналған «Жампоз жырдың айбозы...» атты республикалық жыршылар байқауының жүлдегерлері төмендегідей болды.
Айбек Тәңірбергенов атындағы БАС ЖҮЛДЕ: Мұхамедәлі Бекпейісов (Қызылорда)
Айдос Рахметов атындағы БАС ЖҮЛДЕ: Хасенхан Кішкенеев (Қызылорда)
1 орын: Есназар Эльвира (Маңғыстау)
2 орын: Бектұрұлы Ниязтұрлы (Маңғыстау)
3 орын; Әлішер Мырзағалиев (Қызылорда)
Арнайы жүлде: Бекарыс Көштай (Жамбыл), Айсұлтан Есенғалиұлы (Маңғыстау)
Ынталандыру :Жалғас Ернар (Астана), Жасұлан Есімхан (Шымкент)
Ербақ Құрметжан (Алматы)
Арнайы сыйлық: Азамат Базарбай (Павлодар), Сейіт Гүлназ (Маңғыстау), Әбдімәжит Жансұлу(Маңғыстау), Қуаныш Балғынай (Астана)
Алғыс хат:
Өмірзақ Жанболат. (Қызылорда)
Амантай Айнұр. (Астана)
Әділов Мұхтар. (Қарағанды)
Гаухар Ахметқызы. (Астана)
Базылбек Сейілбек. (Маңғыстау)
Әльфараби Жалғасбай. (Қызылорда)
Ақсұңқар Бүркітбай. (Қызылорда)
Теңел Қайырбек. (Маңғыстау)
«Жүзден жүйрік, мыңнан тұлпар» шыққан жас жыршылардың шығармашылық жолына толайым табыс тілейміз! «Жампоз жырдың айбозы...» атты республикалық жыршылар байқауының алдағы жылдары да жалғасын таба беруінен шын ниетпен тілектестік білдіреміз!
Материалды көшіріп жариялау үшін редакцияның немесе автордың жазбаша, ауызша рұқсаты қажет және Adebiportal.kz порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. adebiportal@gmail.com 8(7172) 57 60 14 (ішкі - 1060)
Мақала авторының көзқарасы редакцияның көзқарасын білдірмейді.
