Қоғамдық қатынастың алуан түрлі жағдайлары туралы ой-тұжырымдар – әлемнің барша халқына тән. Жапон халқының өмірлік тәжірибеден туған осындай ой түйерлік оралымдарын іріктеп оқырмандарға ұсынып отырмыз.
Ақымақ, надан адаммен тартыспа – оған ойланбастан үнсіз жол бере сал.
***
Әйел жүрегі әлденеге бір бекінсе, асқар тауды жарып, тас қамалды қақ айырып өтетін қайрат табады.
***
Жолға шыққанды бөгеме, келе жатқанды алғанды кері қайтарма: өмірдің өзі қозғалыстан тұрады.
***
Баяу болса да тоқтамай ілгері басқан қадам – шынайы жылдамдықтың өлшемі.
***
Жаманның досы болғанша, жақсының дұшпаны болған артық.
***
Қарапайым жұрт болмаса, ұлылықтың өзі тумас еді – ұлыны өсірген де, ұлықтаған да қарапайым топырақ.
***
Биікке ұмтылғысы келген жан ғана баспалдақ жасай біледі. Өрге талпынбаған ешқашан шыңға шықпайды.
***
Ерлі-зайыпты жандар деп бір-біріне көз бен қол бола алатын адамдардың жұбын айтады. Себебі қол ауырғанда көзден жас ағады. Көзден аққан жасты қол сүртеді.
***
Бастағы қайғы-мұңыңды жыртылған киіміңді шешкендей, үйдің табалдырығынан сыртқа лақтырып тастап кір.
***
Бұлақ-бастаулар сарқылмаған себепті де ұлы теңіздер тіршілігін жалғастырады.
***
Жақынға жолаушылаудан, алысқа ұлы сапар басталады, алыс арман жақын әрекеттен туады.
***
Ойланып шеш, шешсең – күмәннің есігін қайта қақпа.
***
Қарсыластан жарты сағат артық шыдаған жан жеңіс туын көтереді.
Наданнан асқан жау жоқ, өйткені надандықтың шегі жоқ.
***
Төсекте жатқан жан сүрінбейді, бірақ тағдыр жолында ілгері баса алмайды.
***
Әлденеге күмәндансаң – жеті рет тексер, сонда ғана көңілге тыныштық орнар.
***
Шаттық-күлкі үйірілген шаңыраққа ырыс-құт бірге қонақтайды.
***
Күлімдеген жүзге оқ кезенбес, жылы жүз – жүректің қорғаны.
***
Суық шай мен суық тағамға төзуге болар, бірақ суық көзқарас пен суық сөз жанды мұздатады.
***
Шешілетін іске бола уайым арқалама, шешілмес іске бола күйзеліп азап шекпе.
***
Бидайдың масағы пісіп жетілген сайын иіліңкі, кей адамның тұмсығы байыған сайын көтеріңкі.
***
Жақсы саудагер барын бірден жайып салмайды – асылдың бағасы астарында жатады.
***
Бір ит босқа үрсе – өзгелері де соған еріп босқа шу көтерер.
***
Өмірде бір рет қолданылар қылышты адам ғұмыр бойы беліне тағып жүреді.
***
Шамадан тыс құлпырған гүлден сапалы жеміс шықпайды.
***
Махаббатпен қарасаң, қара меңнің өзі сұлу шұңқырдай көрінеді.
***
Жақсы сөз – қыстың қақаған аязында да жүректі жылытатын тылсымға ие.
***
Бұтақтың суретін салу үшін самалдың соғуын сезе біл.
***
Қолыңнан келгеннің бәрін жаса, қалғанын тағдырдың еншісіне қалдыр.
***
Күндердің күні жапырақ батып, тас жүзетін уақыт келеді.
**
Білмегенді сұрау – бір сәттік ұят, сұрамай білгенсу – өмір бойғы ұят.
***
Шын шебердің ғана қолынан шынайы өнер туындысы шығады.
***
Соңынан еңсең тік тұру үшін, бүгіннен еңкейіп иілуді үйрен.
***
Терең өзен үнсіз ағады – ұлылықтың дауысы көбіне бәсең болады.
***
Өз қалауымен сапар шеккен жан мың шақырымды бір шақырымдай еңсереді.
***
Кісінің кісісі той-думанда, өз кісің қайғы-мұңда қасыңнан табылар.
***
Алғыс сезімін де өкпелеу сияқты ұзақ сақтай біл – сонда жүрек ауырмайды.
***
***
Жеті рет құлап, сегізінші рет тұрасың.
***
Даналық дәрісінің дәмі ащы.
***
Озған оққа ілігеді.
***
Ақылды сұңқар тырнағын жасыруға әуес.
***
Паналасаң, үлкен ағаштың көлеңкесін панала.
***
Білмегенің – жаныңа тыныш.
***
Ақымақтықтан тек өлім ғана құтқарады.
***
Құдықтағы бақа мұхиттың шалқарлығын сезінбес.
***
Ойланып отырғаннан, істеп отырған әлдеқайда оңай.
***
Қиял шындықтан гөрі көркемірек.
***
Қисынсыздық орнаған жерде, қисын шегінеді.
***
Ауыз – апаттың бастауы.
***
Шындығында гүлден гөрі бәліш маңызды.
***
Үш жасар баланың рухы жүз жасқа дейін сақталады.
***
Маймыл да ағаштан құлайды.
***
Сенім кетсе, бәрі кетеді.
***
Бір сәт – бір мүмкіндік.
***
Сойылмаған тиіннің терісін саудалама.
***
Тас көпір болса да, тексеріп барып өт.
***
Ертеңгі жүзден, бүгінгі елу артық.
***
Егер қыс түскен болса, онда көктем де алыста болмауы тиіс.
***
Ертең ертеңгі күннің желі соғады.
***
Аш қарын үшін дәмсіз тамақ болмайды.
***
Сиырдың құйрығы болғанша, тауықтың тұмсығы болған артық.
***
Самурай үшін өлім маңызды емес, өлімге бекіну маңызды.
***
Өзгермелі жалған дүниеден өзгермейтін нәрсені іздеме.
***
Сүйгеніңнің кемшілігін, жек көргеніңнің жақсылығын көре біл.
***
Өзгеге қарап, өзіңді түзет.
***
Сенім болса, табынатын тәңірі табылар.
***
Артық ішсең дәрі де – у.
***
Әдемі көйлек киген маймыл да әдемі.
***
Еркектің жасы – оның рухында, әйелдің жасы – бет әлпетінде.
***
Патша – қайық, халық – су: су қайықты көтеріп те жүзеді, төңкеріп те кетеді.
***
Екі ақиқат болмайды.
***
Шөл қысқан – су таңдамайды.
***
Білуші сөйлемейді, сөйлеуші білмейді.
***
Әркім өзі үшін қымбат.
***
Сан сападан қымбат.
***
Құйрығын бұлғаңдатқан итке қол көтерілмейді.
***
Жауыңды әлсіз деп қорлама, күшті деп қорықпа.
***
Шегіну қорқынышты емес, күресті жалғастырмау қорқынышты.
**
Бәрі ұмытылғанда басыңда не қалса, сол – білім.
