Қосшы қалалық кітапхананың ұйымдастыруымен жазушы Ұларбек Нұрғалымұлының “Дайағашшы”, “Қараманнан шыққан қайыршы”, “Ауылды “ұстайтын” апа”, “Қар суымен кеткен жылқы” туындыларын оқудан байқау өтті.
Байқауға жазушы Ұларбек Нұрғалымұлының өзі құрметті қонақ, әрі қазылар алқасы ретінде қатысты.
Байқаудан бөлек, кеште ақынның өлеңдері оқылып, мәдениет үйінің өнерпаздары әннен шашу шашты.
Жазушының туған жерінен ұстаздары бейне құттықтау жіберіп, ақ тілектерін білдірді.
Ұларбек Нұрғалымұлының шығармаларының көркемдік қуатын сезініп оқыған барлық қатысушыларға орталық кітапхананың атынан кітаптар сыйға берілсе, ең жоғарғы нәтиже көрсеткен 3 оқырманға дипломдар мен қаржылай сыйлық табыс етілді.
