Қазақ ақындарының кітаптары татар тіліне аударылды

Қазан қаласында татар тілінде Қазақстанның еңбек сіңірген қайраткері, ақын Қасымхан Бегманов пен Маралтай Райымбекұлының жеке шыққан жыр кітаптарының тұсаукесері өтті.
 

Тұсаукесерге Кабардин - Балкардың Жазушылар одағының төрағасы, ақын М. Беппаев, Чуваш республикасы Жазушылар одағының төрағасы, ақын В. Торғай, Якутия жазушылар одағының төрағасы, ақын Иван Мигалкин, чуваштың халық ақыны Ю. Семендер, Татарстанның халық ақындары Ренат Харисов, Гарай Рахим, Роберт Миннуллин, Разил Вəлиев, Радив Гаташ, атақты академик Роберт Вафич Шакиров, Татарстанның еңбек сіңірген қайраткері, ақын Рафис Құрбан, белгілі ақын Рустем Зəкуан секілді көптеген белгілі адамдар қатысып, қазақ ақындарына жылы лебіз білдірді.

Ақындарымыздың алыс-жақын елдердің тіліне аударылып, еліміздің мерейін өсіріп жүргені әдебиетсүйер қауымды бір марқайтып тастады. Оның үстіне туыстас татар халқы біздің поэзиямыздың поэтикалық қуатын жетік түсінеді деп ойлаймыз.
 

adebiportal.kz