"Жетіген батыр". Жырда негізінен XVIII ғасырда өткен қалмақ-қазақ арасындағы қанды оқиғалар баяндалған. Жыршысы - халық ақыны Есдәулет Қандеков. Эпос мәтіні 1939 жылы Алматы облысындағы Ақтерек ауылында хатқа түсірілген. Тыңдаушы қауымға ұсынылып отырған жыр мәтіні ҚР БҒМ Орталық кітапханасының сирек кітаптар және қолжазбалар қорында (ОҒК. 657-бума, 2-дәптер) сақталған түпнұсқа негізінде әзірленді.
Жырды орындаған: Г. Аманбаева, С. Жақсығұлов, Е. Жаңабергенова, М. Тоқтағанова.
