Бейбіт Сарыбай

Бейбіт Шегебайұлы Сарыбай – 1983 жылы 3 қаңтарда Алматы облысы, Райымбек ауданы, Жамбыл ауылында туған. 2000 жылы Сағат Әшімбаев атындағы орта мектепті бітірген. Сол жылы әл-Фараби атындағы Қазақ Ұлттық Университетіне түсіп, 2004 жылы журналист мамандығы бойынша тәмамдаған.
Республикалық «Парасат» журналында (бөлім редакторы), «Алматы ақшамы» (тілші), «Дала мен Қала» (бөлім редакторы), «Алаш айнасы» (тілші) газеттерінде, «Қазақ радиосында» (редактор-жүргізуші) қызмет атқарған. «Хабар», «Еларна» телеарналарында бағдарламалар жүргізген.
2007-2019 жылдары Қазақстан Жазушылар одағында әдеби кеңесші болып істеген. 2019-2022 жылдар аралығында Қазақстан Жазушылар одағының Әдебиетшілер үйінің директоры болған. 2022 жылдан бері Қазақстан Жазушылар одағы Басқарма Төрағасының орынбасары.
«Айна» жыр жинағының «Рауғаш ерте гүлдейді», «Қараторғай», «Ақтабан», «Мейірім», «Мен романтик емеспін», «Біздер, біздер...», «Мөп-мөлдір көздің қарасы», «Бекзат. Шаршы алаңнан тыс өмір» кітаптарының авторы.
«Дарабоз» Халықаралық конкурсының екі мәрте бірінші орын иегері, «Алтын тобылғы» байқауының бас жүлдегері. «Мәдениет саласының үздігі». «Ерен еңбегі үшін» медалімен марапатталған.

Телефон номері: +77054471815