Нұрпейіс Кеңес Нұрпейісұлы, биыл 150 жылдық мерейтойы атап өтіліп жатқан ақын Нұрпейіс Байғаниннің шығармашылығы қалың оқырман қауымға кеңінен таныс. Нұрпейіс өмірінің елге беймәлім тұсы — ақының өз отбасы мен ұрпақтары туралы деректер.
Кез – келген шығармашылық тұлғаны оның өмір сүрген әлеуметтік ортасынан тыс алып қарастыруға болмайды. Тұлғаның тұрақты әлеуметтік ортасы – отбасы. Нұрпейістің отбасылық өмірі, ұрпақтары туралы деректер кеңестік газет, журналдарда көп жазылмаған. Өйткені Кеңестік дәуірдің өмір салты солай болғаны белгілі.
Елдің көне көз қарияларының шежірелік деректеріне қарағанда Нұрпейіс — ата-анадан жалғыз бала. Нұрпейістің әкесі Байғана, анасы Үміт.
