Ұларбек Дәлейұлы

Ұларбек Дәлейұлы 1980 жылы 26 қаңтарда Қытайдың Алтай аймағы, Көктоғай ауданында дүниеге келген. 2004-2007 жылдары Түркістан қаласындағы Қ.А.Ясауи атындағы халықаралық Қазақ-Түрік университетінің филология факультетінде «Қазақ әдебиеті» мамандығы бойынша магистратурасын бітірген.

2009-2010 жылдары Астанадағы Ұлттық академиялық кітапханада «Құснихат» баспасының бас редакторы,

2011-2015 жылдары Астанадағы ҚР Ұлттық архивінде «Сирек қолжазбалар» бөлімінде бас маман, аудармашы,

2016-2018 жылдары «baq.kz» ақпараттық агенттігінде редактор-журналист,

2018-2019 жылдары Ш.Шаяхметов атындағы «Тіл-Қазына» ұлттық ғылыми-практикалық орталығында баспасөз хатшысы,

2020-2023 жылдары «adyrna.kz», «madeniportal.kz» қоғамдық, мәдени, ақпараттық сайттарында бас редактор қызметтерін атқарған. Қазір Астана қаласының Мемлекеттік архивінде аға ғылыми қызметкер.

Көп мәрте халықаралық және республикалық поэзия, проза байқауларының жеңімпазы. Түркияның Стамбұл қаласында өткен түркі тілдес әлем халықтарының «UNESCO. 2008 жыл – Махмұт Қашқари жылы» атты халықаралық әңгіме байқауының жеңімпазы.

2017 жылы «Ауыл» ХДПП ұйымдастырған «Ауылым – алтын тұғырым» атты жыр байқауының бас жүлдегері және арнайы «Алтын тұғыр» кубогының иегері.

«Қанымдағы қасқыр иісі» (2010 ж. «Жалын»), «Күз жауған соқпақ» (2014 ж. «ХАНТӘҢІРІ») қатарлы жыр кітаптары мен «Хат бармайтын қыстақ» (2021 ж. «Фолиянт»), «Қарғыбаулы қасқыр» (2023 ж. «Отбасы хрестоматиясы») сияқты әңгіме-хикаялар жинақтары жарық көрген.

Сондай-ақ, қазақ ұлысының атасы саналатын Жошы, Бату хандар туралы жазылған, оқырманның зор аңысын қозғаған «Жошы хан», «Бату хан» (2024-2025 ж.ж. «Фолиант») атты көлемді тарихи-деректі романдарының авторы.

Сонымен қатар, балаларға арналған «Шыңғыс қаған кім?», «Жошы хан кім?», «Бату хан кім?» (2024-2026 ж.ж. «Мазмұндама») кітаптарын жазған.

Төлеген Айбергенов атындағы әдеби сыйлықтың, «Құрмет» орденінің

иегері.

Қазақстан жазушылар одағының, «ТҮРІКСОЙ» жазушылар одағының мүшесі.