Сайлау Байбосын

САЙЛАУ БАЙБОСЫН (БАЙБОЛСЫНОВ) ЖАЙЛЫ ҚЫСҚАША ДЕРЕК

Сайлау БАЙБОСЫН – Қазақстан Республикасының Еңбек сіңірген мәдениет қызметкері, Қазақстан Жазушылар одағының мүшесі. Қазақстан Жазушылар одағының Жүсіпбек Аймауытов атындағы сыйлығының иегері. Ерейментау және Баянауыл аудандарының Құрметті азаматы.

1958 жылы 16 наурызда Ақмола облысының Ерейментау ауданында туған. Ерейментау аудандық газетінде редактор, Ақмола облыстық «Арқа ажары» газетінде меншікті тілші, республикалық тәуелсіз «Жас Алаш» газетінің солтүстік аймақтардағы меншікті тілшісі болып еңбек еткен.

Қазіргі жұмыс орны: Павлодар облыстық «Ақбеттау» журналының редакторы.

«Ерейментау» (2009); «Қызылтау – құтты мекен, киелі аймақ» (2011); «Есімдері жүрсін деп ел есінде...» (2015); «Қанжығалылар» (2015); «Қорғалжын» (2018) деген тарихи-танымдық кітаптары; «Рух» (2008); «Қызылтау» (2016) өлеңдер жинағы, «Ажалын жоғалтқан адам» атты роман жарық көрген.(2024).

С.БАЙБОСЫН – бірнеше республикалық, аймақтық әдеби байқаулар мен мүшайралардың жүлдегері.

2006 жылы Жарасқан Әбдірашев атындағы республикалық мүшайраның үшінші жүлдесін алған.

2008 жылы «Бір өлең – бір әлем» атты республикалық мүшайраның Бас жүлдесін алған.

2009 жылы Үмбетей жырау Тілеуұлының 300 жылдығына арналған аймақтық мүшайраның Бас жүлдесін алған.

2015 жылы Қазақ хандығының 500 жылдығына арналған «Алаш тарихының ақиқаты» атты республикалық әдеби байқауда «Баба-байрақ» дастаны жүлделі бірінші орынға ие болған.

2017 жылы Алашорда үкіметінің 100 жылдығына арналған «Алаш арманы – Тәуелсіз Қазақстан» атты республикалық мүшайрада «Жүсіпбек пен Сұлтанмахмұт» дастаны екінші жүлдеге ие болған.

2022 жылы Шоң би Едігеұлының 265 жылдығына арналған Павлодардағы облыстық мүшайрада «Шоң би» поэмасы бірінші жүлдеге ие болған.