Әдебиет - ұлттың жаны. Ұлттық сана, тағдыр, жан жүйесі - көркемөнердің басты тақырыбы. Таптық жік арқылы әдебиет жасалмайды...
Жүсіпбек Аймауытұлы

Басты бет
Авторлар
Кәрім Баялиев

Кәрім Баялиев

Рейтинг: 4.000
Өмірбаяны
Кітаптар
Аудио
Кейіпкерлер
Фото
Видео
Аудио файлдар
Автор туралы
Жанкүйерлер
Жанкүйер бол

Кәрім Баялиев(1926–2004) - 1 наурызда Әулиеата (қазіргі Тараз) қаласының батыс жағындағы Билікөлдің жағасында туған. Алматы мемлекеттік заң институтын бітірген. Облыстық әділет басқармасы бастығының орынбасары, мұғалім, облыстық «Еңбек туы» (қазіргі «Ақ жол») газетінде әдеби қызметкер, Қазақ радиосының Жамбыл облысындағы меншікті тілшісі, Қазақстан Жазушылар одағының облыстық кеңесшісі болып істеді.

Алғашқы әңгімелері баспасөзде елуінші жылдардың басында жариялана бастады. Тұңғыш әңгімелер жинағы 1959 жылы «Жол үстінде» деген атпен басылып шықты. Содан бері «Адам ізі», «Нөсер», «Дегелек келді, жаз болды», «Мейірім», «Той бастар», «Лебіз», «Жер тынысы», «Жасарған Жамбыл жерінде», т.б. кітаптары жарық көрді. Соңғы жылдары өзіне таныс заң қызметкерлері өмірінен жазылған «Үрей», «Ар жазасы», «Бөтен бала», «Кескіленген келіншектер» атты шытырман оқиғалы повестері «Жазушы» баспасынан кітап боп шықты. «Оралу», «Атаң келеді артыңда», «Қос дегелек» атты спектакльдері Жамбыл, Шымкент және Қырғызстанның Ош театрларында қойылған.

Қазақ КСР Жоғарғы Кеңесінің Грамотасымен марапатталған (1977), Қазақстанның еңбек сіңірген мәдениет қайраткері (1982).


Көп оқылғандар