Сламхат Сейітхамзаұлы 1952 жылы 15 қарашада ҚХР-дың Алтай аймағы, Қаба ауданы, Алқабек ауылында дүниеге келген.
1973 жылы Алтай аймақтық педагогикалық колледжін бітірген. 1973–1983 жж. орта мектептерде мұғалімдік қызмет атқарған. 1985 жылы Іле педагогика университетін бітірген. 1983–1998 жж. ҚХР, ШҰАР, Іле автономиялық облыстық білім мекемесінде кеңсе меңгерушісі, саяси кадрлар басқармасының бастығы, Іле ағарту журналының бас редакторы болған.
Өлең-толғаулары «Дала дабылы», «Алтай аясында», «Бәйшешек» атты ұжымдық жинаққа енген. «Ақ жайқын» атты жыр жинағының авторы. 2003 жылы Т.Жолдыұлының 100 жылдық мерейтойына орай Алматыда өткен халықаралық ақындар мүшәйрасында екінші орынды иеленген.
