Ерқасов Көпен 1952 жылы 4 қаңтарда Шығыс Қазақстан облысы, Күршім ауданына қарасты Тесікұя ауылында туған.
1968 жылы Марқакөл ауданындағы Горный (қазіргі «Ақбұлақ») орта мектебін бітірген соң Майтерек ауылдық клубында меңгеруші болып жұмыс істеген. Өскемен ауыл шаруашылық техникумын, 1979 жылы ҚазМудің журналистика факультетін тамамдаған.
Марқакөл аудандық «Шамшырақ» газетінің редакциясында, 1998–2001 жылдары Өскемен қаласындағы НТКВосток телеканалында қызмет еткен. Қазір Шығыс Қазақстан облыстық төтенше жағдайлар жөніндегі басқармасында бас маманаудармашы болып қызмет атқарады.
Ақын өлеңдері «Қарлығаш» (1984), «Төрткүл дүние» (1998) ұжымдық жыр жинақтарында жарияланған. 2003 жылы «Ағажай Алтай» атты кітабы жарық көрген.
