Әдебиет - ұлттың жаны. Ұлттық сана, тағдыр, жан жүйесі - көркемөнердің басты тақырыбы. Таптық жік арқылы әдебиет жасалмайды...
Жүсіпбек Аймауытұлы

Басты бет
Авторлар
Сейтақ Ғайсағали

Сейтақ Ғайсағали

Рейтинг: 1.000
Өмірбаяны
Кітаптар
Аудио
Кейіпкерлер
Фото
Видео
Аудио файлдар
Автор туралы
Жанкүйерлер
Жанкүйер бол
Сейтақ Ғайсағали 1958 жылы 1 шілдеде Батыс Қазақстан облысы, Бөкей ордасы ауданы, Орда ауылында дүниеге келген. 1980 жылы Орал педагогика институтының филология факультетін бітірген соң, Камен (қазіргі Тасқала) аудандық «Екпін» газетінде тілші, бөлім меңгерушісі, 1982 жылдан облыстық «Орал өңірі» газетінде тілші, мәдениет бөлімінің меңгерушісі болды. 1991 жылдан бас редактордың бірінші орынбасары. 2000 жылдың 1 қыркүйегінен «ҚазАқпарат» агенттігінің Батыс Қазақстан облысындағы тілшісі қызметін қоса атқарып келеді. ҚР Мемлекеттік қызмет істері агенттігі БҚО-дағы тәртіптік кеңесінің мүшесі.

1987 жылдың қорытындысы бойынша үздік өлеңдері үшін республикалық «Жалын» журналының Т.Айбергенов атындағы сыйлығының лауреаты. Қ.Мырза Әли атындағы облыстық мүшәйраның (1995) бас жүлдегері. Қазақ радиосы ұйымдастырған «Қазақстаным – қара шаңырағым» республикалық байқауының (2000) екінші жүлдегері. «Орал өңірі» газетінің 90 жылдығына орай өткізілген «Жайық жырлайды» республикалық жыр мүшәйрасының жүлдегері. «Қазақстан Тәуелсіздігіне – 10 жыл» және «Астанаға – 10 жыл» мерекелік медалінің иегері.

Өлеңдері баспасөз бетінде 1978 жылдан бері жарияланып келеді. Бір топ жырлары «Қарлығаш» ұжымдық жинағына («Жалын», 1987) енген. «Маңдай» («Жалын», 1990), «Аман бол, атамекенім» («Дастан», 1996), «Нарынның нар ұлдары» («Жазушы», 1998), «Ай-арудың алқасы» («Өлке», 2001), «Тек пен тамыр» («Арыс», 2005), «Жақыным менің – жалпақ ел» («Сөздік-словарь», 2007) атты кітаптары жарық көрген.

Қайнар көз: http://writers.kz

Көп оқылғандар