Әдия Сексенбаева

Әдия Сексенбаева (1938-2016)

1938 жылы 20 желтоқсанда Шығыс Түркістанның Шәуешек қаласында өмірге келген. 1955 жылы сәуір айында атамекенге – Семей облысының Ақсуат ауданына оралады. 1957 жылы Көкпекті ауданынан орта мектепті бітіріп, 1963 жылы Абай атындағы Қазақ педагогикалық институтының филология факультетін тамамдаған. Еңбек жолын «Білім және еңбек» журналынан бастап, 1967 жылы «Қазақстан әйелдері» журналына қызметке ауысқан. Аға әдеби қызметкер болған, ғылым, мәдениет, әдебиет бөлімін басқарған. 1980–1984 жж. «Жазушы» баспасында редактор, аға редактор, 1994 жылы зейнеткерлік демалысқа шыққанға дейін бөлім меңгерушісі міндетін атқарған.

1969 жылы «Жас керуен» жинағына бір топ өлеңдері енді. 1983 жылы «Шуақ» атты жыр жинағы «Жазушы» баспасынан жарық көрді. Монғол, қарақалпақ, татар, башқұрт, түрікмен, орыс, латын, қырғыз ақын-жазушыларының әңгімелері мен өлеңдерін аударған. Татар жазушысы И.Салаховтың «Емендер тамыр жайғанда» романын аударып, тәржімалаған, 1990 жылы «Жазушы» баспасынан жарыққа шығарды.

1975 жылы Қазақ КСР Жоғарғы Кеңесінің Грамотасымен марапатталған.