Әдебиет - ұлттың жаны. Ұлттық сана, тағдыр, жан жүйесі - көркемөнердің басты тақырыбы. Таптық жік арқылы әдебиет жасалмайды...
Жүсіпбек Аймауытұлы

Басты бет
Авторлар
Мырзатай Серғалиев

Мырзатай Серғалиев

Рейтинг: 5.000
Өмірбаяны
Кітаптар
Аудио
Кейіпкерлер
Фото
Видео
Аудио файлдар
Автор туралы
Жанкүйерлер
Жанкүйер бол
Мырзатай Серғалиев 1938 жылы 17 наурызда Солтүстік Қазақстан облысы, қазіргі Шал ақын ауданындағы Жаңажол ауылында туған. 1960 жылы Қазақ мемлекеттік университетінің филология факультетін бітіріп, сонда қазақ тілі кафедрасында ассистенттік қызметке қалдырылған. Одан кейін Қазақ КСР Ғылым академиясының Тіл білімі институтының кіші ғылыми қызметкері, Қазақ мемлекеттік университеті философия кафедрасының аға оқытушысы (1968–1971), қазақ тілі (кейін қазақ филологиясы) кафедрасының аға оқытушысы, доценті, профессоры, меңгерушісі, филология факультетінің деканы (1987–1992) болған. 1999–2008 жылдары Л.Н.Гумилев атындағы Еуразия университетінің қазақ тіл білімі кафедрасының меңгерушісі, 2008 жылдан сол кафедраның профессоры.
 
 
Мерзімді және әдеби баспасөз беттерінде, сондай-ақ «Уақыт және қаламгер» (1975, 1978, 1982), «Сөз өнері» (1978), «Сөзстан» (1980, 1982), «Жазушы және сөз мәдениеті» (1983), «Мұхтар мұрасы» (1997), «М.Әуезовтің қазақ тілін дамытудағы рөлі» (1998), «М.Әуезов және әлем әдебиеті» (1999), «С.Мұқановтың әдеби-мәдени мұрасы және қазіргі заман. ІІ том» (Петропавл, 2000), т.б. ұжымдық жинақтарда қазіргі әдеби процеске, көркем әдеби тілге қатысты мақалалары мен баяндамалары жарық көрді.
 
 
Я.Камалдың, К.С.Вирхтың, М.А.Зәрәбтің, К.С.Дуггалдың, Б.Балаждың, Ә.Қадыровтың, В.Кожевниковтың, В.Лацистың, т.б. әңгімелерін қазақ тіліне аударған. Қазақстан Республикасы ҰҒА-ның академигі. ҚР «Білім беру ісінің үздігі» (2000), «Білім беру ісінің құрметті қызметкері» (2003), «Жоғары оқу орнының үздік оқытушысы» (2005), «Қазақстанның еңбек сіңірген қайраткері» (2006).
 
 
Шығармалары: Кең өріс. Әдеби-сын мақалалары. А., «Жазушы», 1983; Көркем әдебиет тілі. А., «Мектеп», 1995; Ой өрнегі. А., «Мектеп», 1995; Мұхтар Әуезов және көркем шығарма тілі. А., «Қазақ университеті», 1998; Сөз сарасы (Сын мақалалар). А., «Жазушы», 1989; Өнеге. А., «Жазушы», 1998; Ғ.Мүсірепов және тіл мәдениеті. Астана. «Күлтегін», 2003.

 

Көп оқылғандар