Митрофан Сильченко

Басты бет

Авторлар

Митрофан Сильченко

Митрофан Сильченко (1898–1970) Воронеж қаласында туған. 1924 жылы Ресейдің Воронеж мемлекеттік университетінің тарих филология факультетін бітірген. Алғашқы еңбек жолын ұстаздықтан бастап, Воронеж мемлекеттік университетінің жұмысшы факультетінде және Губсовпарт мектебінде орыс тілі мен әдебиетінен сабақ берген. 1931 жылы Алматыға көшіп келгеннен кейін, Абай атындағы Қазақ педагогикалық институтында орыс тілінен дәріс оқыған. 1934 жылы М.П.Баталовпен бірге «Қазақ фольклоры мен әдебиеті жөніндегі очерктер» кітабын шығарған. 1945 жылы «Абай» атты шағын еңбегін жариялады. 1957 жылы «Абайдың творчестволық өмір тарихы» кітабы шыққан. Бұл еңбекпен филология ғылымдарының докторы атағын қорғаған. Бір жылдан кейін оған профессор атағы берілген. 1957 жылы Қазақ КСР Ғылым академиясының корреспондент-мүшесі, ал 1962 жылы академигі болып сайланған.

Қазақстандағы орыс мектептеріне арналған қазақ әдебиеті (ІX–X сыныптар) тұңғыш оқулығының авторы.

Ленин, Еңбек Қызыл Ту ордендерімен, «1941–1945 жылдардағы Ұлы Отан соғысындағы ерлік еңбегі үшін» медалімен марапатталған.

Шығармалары: Абай – классик казахской литературы. А., КазГИЗ, 1949; Творчество Джамбула. Статьи, заметки, материалы. А-А., 1956; Творческая биография Абая. АН Казахской ССР, 1957; Творческий путь М.Ауэзова. А., 1957.