Темірше Сарыбайұлы 1941 жылы 18 қарашада Қызылорда облысы, Жалағаш ауданы, Мырзабай ахун ауылында дүниеге келген. 1968 жылы Н.В. Гоголь атындағы Қызылорда педагогика институтының филология факультетін бітірген.
1968–1972 жылдары Жалағаш аудандық «Жаңадария», 1972–1976 жылдары Сырдария аудандық «Сырдария» газеттерінде бөлім меңгерушісі қызметтерін атқарды. 1982 жылы Қызылорда облыстық сырттай оқу мектебінде методист, 1982–1989 жж. Қазақ телевизиясының әдеби-драмалық хабарлар редакциясында редактор, «Балдырған» журналында 2000–2005 жылдары бөлім редакторы қызметтерін атқарған.
Қазір «Маматай» баспасында редактор. Республикалық жыр-мүшәйраларының бірнеше дүркін жеңімпазы.Ж.Жабаевтың 150 жылдық, Б.Момышұлының 90 жылдық мерейтойларының бірінші жүлдегері.
«Дария-дәурен» (2001), «Мазалай бер махаббат» (2008) атты жыр жинақтары жарық көрген
