Марат Мәжитов - 1942 жылы 27 мамырда Атырау облысы, Мақат (қазіргі Қызылқоға) ауданы, Чапаев атындағы ұжымшарда дүниеге келген. Қазақ Ұлттық Университетінің журналистика факультетін бітірген. «Парасат» («Мәдениет және тұрмыс») журналында бөлім меңгерушісі, жауапты хатшы, бас редактордың орынбасары, «Ақиқат» («Қазақстан коммунисі»), «Жұлдыз» журналындарында бас редакторлық орынбасары болып қызмет істеді.
«Қып-қызыл жалын» (1979), «Құлынды жон» (1983), «Соңғы айналым» (2002) повесть, әңгімелер жинағы мен «Қүмдағы із» (1995), «Құныскерей» (2002), «Тобанияз» (2003 — 2004) романдарының авторы. 2004 жылы «Тәуелсіздік рухымен» атты публицистика-эссе кітабы жарық көрді. Қазір «Ел» республикалық газетінің қызметкері. Қазақстан Журналистер одағы сыйлығының лауреаты.
