Азамат Тасқараұлы - ақын, 1990 жылы 20 қарашада Шығыс Қазақстан облысы Ұлан ауданы жоғарғы Тайынты ауылында дүниеге келген.
2008 жылы Ж. Жабаев атындағы дарынды балаларға арналған арнайы мектеп-гимназия-интернатын бітірді. Қазақстан Американ Еркін университетінің «Менеджмент» факультетінің түлегі. Халықаралық «Шабыт» шығармашыл жастар фестивалінің «Әдебиет» аталымы бойынша Гран-при иегері. ҚР Жазушылар одағының мүшесі. ҚР Үкіметінің «Дарын» Мемлекеттік сыйлығының иегері. «Жусан Қыз» (2014 ж. Астана, «Фолиант») кітабының авторы. Өлеңдері орыс тіліне тәржімаланған.
