1968 жылы 7 наурызда Қарағанды облысының Қарқаралы ауданында дүниеге келген. 1992 жылы Әл-Фараби атындағы Қазақ Мемлекеттік Ұлттық Университеті журналистика факультетін ойдағыдай аяқтап, "Қазақстан-Қарағанды" телеарнасынан өз еңбек жолын бастаған. 1999 жылы "Журналистика" номинациясы бойынша халықаралық "Шабыт" фестивалінің лауреаты атанды."Мәселенің мәні" ,"Жымиясың сен неге?" атты кітаптары жарық көрген. "Қазақстан" ұлттық телеарнасында, халықаралық "Азаттық" радиосында қызметтерін атқарған. Соңғы жылдары Е.А. Бөкетов атындағы Қарағанды Мемлекеттік университеті, журналистика кафедрасының оқытушысы болды. 2010 жылы Мартбек Тоқмырза дүниеден өтті.
