Дәуітәлі Стамбекұлы

Дәуітәлі Стамбеков (26.01.1947, Қарағанды облысы Ақтоғай ауданы Қоңырат - 07.06.1999, Алматы) - ақын. Әл-Фараби Қазақ ұлттық университетін бітірген (1974). "Арқа еңбеккері" аудандық газетінде аға әдеби қызметкер, республикалық жастар газеті "Лениншіл жаста" (қазіргі "Жас Алаш"), республикалық "Қазақстан пионері" (казіргі "Ұлан") газетінде, "Жазушы" баспасында, "Егеменді Қазақстан" газетінде қызмет атқарған. Алғашқы өлеңдері аудандық, облыстық газеттерде жарық көрген. Онға тарта жыр жинағы мен аударма кітаптары жарық көрді. Солардың ішінде "Алтын бесік", "Мазасыз маусым", "Нұрлы әлем", "Бұлақтар даланы аңсайды", "Жұмағым мен тұмағым" атты өлеңдер мен поэмалар жинақтарының авторы. Ол орыс классиктері мен достас елдердің айтулы ақындарының өлеңдері мен поэмаларын аудармасында үлкен үлес қосқан. Б. Кенжеев, Б. Қанапияновтардың кітаптарын қазақ тіліне аударған. "Жалын" баспасы ұйымдастырған жабық байқаудың бірнеше дүркін жүлдегері. Халыкаралық "Алаш" әдеби сыйлығының лауреаты (1999).