Әбілқасымов Нұрмұхаммед – 1978 жылдың 19-шы желтоқсанында Қызылорда облысы, Сырдария ауданы, Шіркейлі ауылында дүниеге келген. 2011жылдың мамыр айында алғашқы «Тағдырымның жанары» атты кітабының тұсауы кесілді. 2011 жылдың қараша айында поэзия номинациясы бойынша Алматыда өткен республикалық «Самғау» сыйлығының иегері. 2012 жылдың тамыз айында шахматтан облыс жеңімпазы атанды. 2012 жылдың қараша айында Халықаралық «Шабыт» жастар фестивалінде төрт аяғы тең басқан 92 ақынның арасынан алғашқы ондыққа кіріп, халықтың ілтипатына бөленіп, дипломант атанды. 2013 жылдың қазан айында Астанада өткен «Бәріміз бірдейміз кемсітуді білмейміз» атты республикалық конкурсында «Алтын қауырсын» номинациясының жеңімпазы. «Тағдырымның жанары», «Тасжарған» атты жыр жинақтарының авторы.
