Мағираш Сәрікқызы 1939 жылы 23 қарашада Қызылорда облысы, Қармақшы ауданында туған. 1963 жылы ҚазМУ-дің журналистика факультетін бітірген. 1964 жылдан «Қазақ телевидениесі», «Қайнар» баспасы, «Кітап палатасы», «Денсаулық» журналдарында қызмет істеген. Қазір зейнеткерлік демалыста. 1964 жылы «Студент қаламы» атты жинағы жарыққа шыққан. Содан бастап «Сырдария», «Сені ойлаймын», «Сезім пернелері», «Ішкі иірім», «Қаракөз», «Майда Қоңыр», «Қос қағыс» атты жыр кітаптарының авторы. 1960 жылғы Қазақ поэзиясының антологиясы, 2002 жылғы «Бес ғасыр жырлайды», 2003 жылғы «Екі ғасыр жырлайды» таңдамалы жыр кітаптарына өлеңдері енгізілді.
Шығармалары: Студент қаламы. Өлеңдер. А., 1964; Сыр сандық. Өлеңдер. А., 1974; Қарагөз. Өлеңдер. А., 1978; Сені ойлаймын. Өлеңдер. А., 1982.
