Лұқпан Сисекенұлы 1947 жылы 11 қыркүйекте Атырау облысы, Жылой ауданы, Құлсары ауылында дүниеге келген.
1970 жылы Жамбыл технологиялық институтын тамамдады. 1973–1974 жж. Атырау облысы Жылой аудандық комсомол комитетінің ұйымдастыру бөлімінің меңгерушісі, 1974–1987 жж. Жылой аудандық ішкі істер бөлімінің тергеушісі, бөлімше бастығы сияқты қызметтерді атқарған.
«Тіршілік толқыны» (1974), «Атырау айдыны» (1982), «Жылой қаламгерлері» (2005) атты ұжымдық жинақтарға өлеңдері енген. «Теңіз» (1994), «Ақ бесігім – кең Жылой» (1995), «Адамзат, Жер-Анаңа табын енді», (1995), «Иә, Бекет» (2000), «Кең Жылойдың Иманқарасы» (2000), «Кең Жылойым әулиелер мекені» (2002), «Лұқпан» (2002), «Мәдинада Мұхаммед» (2004), «Түркістанда Қожа-Ахмед» (2005), «Маңғыстауда – Пір Бекет» (2005), «Мәңгілік рух – Махамбет» (2005), «Төремұрат батыр ата бастауы және замандастары» (2005), «Өнегемен өрілген ғибратты ғұмыр» (2006), «Құдіретке тағзым» (2006), «Әулие батыр Байбақты ата» (2007), «Сүйе біл Отан анаңды» (2007), «Қызым менің» (2007), «Жапырағы жайылған кең Жылойым» (2008), «Мұнай тапқан Бешім ата» (2008), «Ағып түскен қос жұлдыз» (2008), «Жүректе мәңгі есімің» (2008) атты поэзиялық және прозалық кітаптары жарық көрген.
