Залман Танхимович (1908–1976) 28 тамызда Забайкальедегі Сретенск қаласында туған.
Иркутск құрылыс институтын бітірген (1939). Отыз жылға жуық ірі құрылыс трестерінде істейді. Оның құрылысшылар өмірін суреттеген «Забайкалье даласында» атты тұңғыш романы 1953 жылы жарияланады. «Баргузин» (1955), «Ертіс үстінде» (1959), «Қашуға әрекет» (1970) романдары, «Қатерлі тапсырма» (1964), «Іздеу» (1965) атты деректі повестері, «Тізе бүгуші» (1960), «Жомарттық» (1967) деген очерктер жинақтары, 1984 жылы «Жазушы» баспасынан «Нулевая отметка» повесі жарық көрді.
А.Лекеровтың «Ақ қайың туралы жыр» повесін, Ә.Сәрсенбаевтың, С.Омаровтың кейбір әңгімелерін орыс тіліне аударды.
