Махмет Темірұлы (1923-2014) 1923 жылы 10 қазанда Қарағанды облысы, Нұра ауданы, Амантау ауылында туған.
1940 жылы Қарағандыдағы мұғалімдер институтының қазақ тілі мен әдебиет факультетіне, 1947 жылы Алматыдағы шет ел тілдері институтының ағылшын тілі факультетіне оқуға түскен.
1941 жылы студенттер арасында ЕСЕП (Елін сүйген ерлер партиясы) деген Кеңес өкіметіне қарсы жасырын ұйым құрушылардың бірі болған. Бұл ұйым сол кезде де, кейін де азаттықты аңсаған саналы жастар арасынан үлкен қолдау тапқан.
1944–1946 жылдары Теміртау қаласындағы СК зауытында жұмыс істеген. 1956 жылдан бастап мектепте ұстаздық қызмет атқарған.
Қаламгердің 1996 жылы «Қилы кезеңдер» атты өлеңдер жинағы, 1998 жылы «Арман мен азап», 2002 жылы «Қуан қазақ азаттық алғаныңа» атты жыр жинақтары жарық көрген. «Нұра ақындары» атты жинаққа өлеңдері енген (2008).
