Үміт Тәжікенова 1949 жылы 7 ақпанда Қызылорда облысы, Қазалы стансасында туған.
Жамбыл педагогикалық институтын аяқтаған соң осы қаладағы ГПТУ–102 мекемесінде комсомол ұйымының хатшысы, ГПТУ–180 мекемесінде орыс тілі мен әдебиеті пәнінің мұғалімі болып қызмет еткен. 1978–1992 жж. кинофикация мен кинопрокат жүйесінде администратор, кинотеатр директоры, кинопрокат бөлімінің бастығы болып жұмыс істеген. 1993 жылдан бастап Алматы қаласына көшіп келген.
1993–1994 жж. Халықаралық Абай қорында директордың орынбасары, 1994–1995 жж. Жоғарғы Кеңесте, Президент аппаратында инспектор, референт болған. 1995–2006 жж. кәсіпкерлік жұмыспен айналысқан.
«Сакрализация памяти» атты алғашқы әңгімелер жинағы 2001 жылы жарық көрген. «Восхождение к Абсолюту» (2003), «Ақиқатқа жүгіну» (2006) кітаптарының авторы.
