Әдебиеттi ешкiм мақтаныш үшiн жазбайды, ол мiнезден туады, ұлтының қажетiн өтейдi сөйтiп...
Ахмет Байтұрсынұлы
Басты бет
Авторлар
Т
Төреғали Тәшенов

Төреғали Тәшенов

Тәшенов Төреғали  Әліпұлы – ақын, Қазақстан Жазушылар одағының мүшесі. ҚР Мәдениет қайраткері. 1962 жылы 23 ақпанда Оңтүстік Қазақстан облысының Созақ ауданында туған. Абай атындағы  ҚазПИ-дің филология факультетін бітірген. Топтама өлеңдері республикалық баспасөзде ең алғаш «Жалын» журналында 1987 жылы жарияланған. 1985 жылы Алматыда өткен республикалық «Жігер» фестивалінің дипломанты. Бірқатар республикалық мүшәйраларда үшінші, екінші жүлделі орындарды иеленген. 2011 жылы Косово Республикасында өткен Бүкіл түркі ақындары фестивалінің жеңімпазы. Жарияланған поэзиялық кітаптары: «Аққудың қауырсыны» (1997 жыл), «Жауратқан – жапырақтың көлеңкесі» (2008 жыл «Өнер» баспасы) және «Сарғалдақ»   (2009 жылы «Ауыл кітапханасы сериясымен «Қайнар» баспасынан жарық көрген).  Сондай-ақ  2011 жылы «Сана мен саясат» және 2012 жылы  «Тәуелсіздік талайы» атты публицистикалық жинақтары жарық көрген. Ақынның жекелеген өлеңдері түрік, румын, қарашай тілдеріне аударылған. Бірқатар өлеңдеріне ән жазылған. 

Көп оқылғандар