Әдіһам Шілтерханов

ШІЛТЕРХАНОВ ӘДІҺАМ (1925 – 2017)

1925 жылы 27 шілдеде Оңтүстік Қазақстан облысы қазіргі Ордабасы ауданының «Төрткүл» ауылында туған. 1961 жылы Алматы Ауыл шаруашылығы институтын бітірген. Еңбек жолын 1943 жылы Төрткүлдегі орта мектепте мұғалімдіктен бастаған.

1943–44 жж. даңқты Панфилов атындағы 8-гвардиялық дивизияның құрамында Ұлы Отан соғысына қатынасып, елге ауыр жараланып оралды. 1945–69 жж. Бәйдібек ауданында мұғалім, аудандық партия комитетінде нұсқаушы, Красная-Нива ұжымшарында партия комитетінің хатшысы, одан кейін сол ұжымшардың төрағасы қызметтерін атқарды.

1969–85 жж. Отырар ауданындағы «Арыс» ұжымшарының директоры, аудандық тұрмыстық қажетті өтеу комбинатының директоры болып еңбек етті.

1988 жылы «Жалын» баспасынан «Үш бәйтерек», 1993 жылы «Ақжалдың ақыры», 1995 жылы «Атамұра» баспасынан «Аталы сөздер», 1995 жылы «Рауан» баспасынан «Саттар Ерубаев» атты кітаптары жарық көрді. 2000 жылы «Ордабасы» баспасынан шығармаларының 2 томдығы басылып шықты. Қазақ КСР Жоғары Кеңесі Президиумының Құрмет Грамотасымен, І дәрежелі Отан соғысы орденімен, көптеген медальдармен марапатталған.