Бақытжан Абызов

Бақытжан Абызов Шиелі ауданындағы Тартоғай аулында 1959 жылы дүниеге келген. 1982 жылы Қазақ Мемлекеттік университетінің журналистика факультетін бітірген. «Мектеп» баспасында, «Егемен Қазақстан» газетінде, аудандық «Сырдария» газетінде, облыстық партия комитетінде, облыстық Кеңесте, облыс әкімінің аппаратында қызметтер атқарды. 1980 жылы жас ақын-жазушылардың республикалық «Жігер» фестиваліне қатысқан. «Темірқанат», «Қарлығаш» ұжымдық жыр жинақтарында топтама өлеңдері жарияланған. Дағыстан ақыны Магомед Алиевтің «Қанат» атты поэзия кітабын белгілі қазақ ақындарымен бірге қазақ тіліне аударуға атсалысқан. Өлеңдері жергілікті және республикалық мерзімді баспасөздерде жарияланып жұр. 2010 жылдан Қазақстан Жазушылар одағының мүшесі.

Əдебиеттер:

Абызов Б. Жанарымдағы жаңбырлар: Өлеңдер –Алматы: Қазақпарат, 2003. – 156 б.

Бақытжан Абызов: [Өмірбаяны, өлеңдері берілген] //Жүректегі жауһарлар: Сыр елі ақын-жазушылары шығармаларының жинағы. – Қызылорда:Алтын Орда,2001. – 358-361б.

Елубаев Е. Бес қаламгер одаққа мүшелікке өтті: Қазақстан Жазушылар одағына мүшелікке қабылданған қаламгерлер Д.Беркінбаев, Н.Рахметова, Б.Абызов,Н.Елтай, Д.Байдрахман, Ə.Мейірбеков / Е.Елубаев // Ақмешіт ақшамы. - 2010. - 15 қазан

Ергешбайұлы А. Руханият əлемінің өкілдері Қазақстан Жазушылар одағына мүшелікке өтті: Н.Рахметова, Б.Абызов, Д.Аяшұлы, Ə.Мейірбеков, Д.Байдрахманов, Н.Елтай / А.Ергешбайұлы // Ақмешіт апталығы. - 2010. - 7 қазан

Ораз Н. Менiң ақын достарым: Ақындар Бақытжан Абызов, Ғалым Əрiпов жайлы //Алматы ақшамы. - 2012. - 22 наурыз (№35). - 30 б.

Ұзақбаев Б. Жүрекке жылы жырлар: Ақын Бақытжан Абызовтың "Жанарымдағы жаңбырлар" кітабына пікірлер / Б.Ұзақбаев // Сыр бойы. - 2003. - 8 қараша