Қалдарбек Найманбаев

1939 жылы 16 наурызда Оңтүстік Қазақстан облысы, Мақтаарал ауданы, Асықата ауылында дүниеге келген.

1961 жылы Қазақ мемлекеттік университеті филология факультетінің журналистика бөлімін бітірген. Еңбек жолын университетте оқып жүріп қазіргі «Жас Алаш» газетінің редакциясында әдеби қызметкер, бөлім меңгерушісі, жауапты хатшы, бас редактордың орынбасары болып бастаған.

1970–1976 жж. «Білім және еңбек» (қазіргі «Зерде») журналының бас редакторы, 1976–1984 жж. «Жалын» баспасының бас редакторы, директоры, 1984–1986 жж. Қазақстан Жазушылар одағы басқармасының екінші хатшысы, 1986–1987 жж. Республикалық авторлар құқығын қорғау агенттігінің директоры, 1987– 1988 жж. «Ара – Шмель» журналының бас редакторы, 1988– 1992 жж. «Жазушы» баспасының директоры, 1990–1993 жж. Қазақстан Республикасы Жоғары Кеңесінің депутаты.

1991–1996 жылдары Қазақстан Жазушылар одағы басқармасының бірінші хатшысы. 1992–2004 жж. Дүниежүзі қазақтары қауымдастығы төралқасы төрағасының бірінші орынбасары қызметтерін атқарған.

«Даңқ тұғырында», «Қоштасқым келмейді, «Бастау», «Сол бір түн», «Үміт өткелі», «Беймаза қонақ», «Аптап», «Не хочу прощаться», «Ночная дорога», «Шілде» повестер мен әңгімелер жинақтары, «Ерлі-зайыпты екеуі және басқалары», «Біз сені күтеміз, Гүлзат», «Домалақ арыз», «Көктөбе», «От пен ойын» романдары жарық көрген. «Жаңа жыл алдында» атты пьесасы республикалық және облыстық театрларда қойылды.