facebook youtube instagram tiktok
search cabinet
Басты бет
/
Авторлар
/
Ә
/
Әбу Сәрсенбаев

Әбу Сәрсенбаев

Әбу Сәрсенбаев
Рейтинг:
Өмірбаяны
Автор туралы

Әбу Сәрсенбаев 1905 жылы 15 қазанда қазіргі Атырау облысы Құрманғазы (Теңіз) ауданы Мақаш ауылдық округінің Алға ауылында дүниеге келген. 1929 жылы Астрахань кеңестік партия мектебін бітіріп, 1932-1934 жылдары Алматыдағы Комвузда оқыған. 1934-1936 жылдары «Түрксіб» газетінде редактор, 1936-1942 жылдары Қазақтың мемлекеттік баспасын басқарды. 1942-1947 жылдары Кеңес Әскері қатарында қызмет етіп, Ұлы Отан соғысына қатысқан. 1947-1953 жылдар аралығында Қазақтың мемлекеттік оқу-педагогикалық баспасының директоры болды.

 

 
Әдебиетке 1930 жылдардың орта тұсында келді. «Еділ толқыны» (1937), «Жүрек сыйы» (1938), «Ант» (1939), «Ақша бұлт» (1947) жыр жинақтары оның ақындық қарымын танытса, «Туған өлке» (1948), «Махаббат жыры» (1949), «Отан таңы» атты кітаптары Ұлы Отан соғысынан кейінгі жылдардағы еңбек қаһармандарының бейнесін жасауға арналған. Оның прозалық шығармаларының ішінде Каспий теңізшілерінің қазіргі еңбегіне, өміріне арналған «Теңіз әуендері» (1969) романының орны ерекше болса, «Толқында туғандар» (1953) кітабында байырғы қазақ балықшы-жұмысшыларының ауыр тіршілігін шыншылдықпен бейнелейді.

 

 

 
«Арбасу» (Қ.Жұмалиевпен бірлесіп, 1948), «Теңіз махаббаты» (1975) атты пьесалары, «Әдебиет хрестоматиясы» (Е.Исмайыловпен бірге құрастырған, 3 сынып үшін, 1938), «Оқу кітабы» (үлкендер мектебіне арналған, 1941), «Ана тілі» (3 сынып үшін, 1948, 1959) атты оқулықтары жарық көрген. Әскери новеллалар мен эсселер жинақтары да бар. Шығармалары орыс, эстон, түрікмен, тәжік, болгар, т.б. тілдерге аударылған.

 

 

 
А.Пушкин, М.Лермонтов, Ш.Петефи, Н.Некрасов, Фаиз шығармаларын қазақ тіліне аударған.
Жазушының әдебиетке қосқан еңбектері еленіп, 1987 жылы Қазақстанның Халық жазушысы атағы берілді.
Октябрь (Қазан) Революциясы, I дәрежелі Отан соғысы, Еңбек Қызыл Ту, Халықтар достығы, «Қызыл Жұлдыз», «Құрмет белгісі», «Парасат» ордендерімен марапатталған.
1995 жылы 25 қарашада өмірден өтті.

 

 

Шығармалары: Еділ толқыны. Өлеңдер. А., ҚМКӘБ, 1937; Жүрек сыйы. Өлеңдер. А., ҚМКӘБ, 1938; Ақмаралдың жүрегі. Өлеңдер. А., ҚМКӘБ, 1940; Ант. Өлеңдер. А., ҚМКӘБ, 1940; Ақша бұлт. Өлеңдер. А., ҚМКӘБ, 1948; Туған өлке. А., ОҚПМБ, 1948; Ақша бұлт (екінші басылымы). Өлеңдер. А., ҚМКӘБ, 1949; Махаббат жыры. Өлеңдер мен поэмалар. А.,ҚМКӘБ, 1956; Миллиардтың ізімен. Жаңа өлеңдер. А., ҚМКӘБ, 1959; Жазылмаған кітап. Поэмалар. А., ҚМКӘБ, 1962; Ақша бұлттар. Дастандар мен өлеңдер. А., «Жазушы», 1966; Баспалдақтар, биіктер. Өлеңдер мен поэма. А., «Жазушы», 1971; Атырау сазы. Таңдамалы. А., «Жазушы», 1975; Ақырғы гранаталар. Дастандар, балладалар. А., «Жалын», 1977; Маржан таулар жырлайды. А., «Жалын», 1982; Бес томдық шығармалар жинағының І–ІІ томы. А., «Жазушы», 1981–1984; Қасиетті махаббат. Дастандар. А., «Жазушы», 1987; Ақырғы граната. Балладалар мен дастандар. А., «Рауан», 1991; Ғасыр мен ғасыр беттессе. Жыр жинағы. А., «Арыс», 2002.
Проза: Сенің бақытыңды қорғағандар. А., ҚМКӘБ, 1950; Толқында туғандар. Роман. А., ҚМКӘБ, 1953; Офицер күнделігі. А., ҚМКӘБ, 1960; Капитан ұлы. Повесть. А., ҚМКӘБ, 1961; Толқында туғандар (екінші басылуы). А., «Жазушы», 1965; Теңіз әуендері. Роман. А., «Жазушы», 1969; Жауынгер монологы. А., «Қазақстан», 1972; Батырлар ізімен. Әңгімелер, естеліктер, күнделіктер. А., «Жазушы», 1974; Таңдамалылар. Толқында туғандар. Роман. Офицер күнделігі. А., «Жазушы», 1975; Бес томдық шығармалар жинағы. ІІІ т. Толқында туғандар. Роман. ІV т. Әңгімелер, новеллалар. А., «Жазушы», 1983; Теңіз әуендері. Роман. Жауынгер монологы. Әңгімелер. V т. А., «Жазушы», 1984; Ұстаздар мен тұстастар. Естеліктер. А., «Жазушы», 1986.

 

Taza Qazaqstan

Көп оқылғандар

Тұрған жердің тарихын білеміз бе?
17.09.2025
1508

Әлия Бөпежанова: Қазіргі әдебиет жаңа идеялар мен жаңа кейіпкерлерге зәру
15.09.2025
1259

Сағадат Ордашева. Таласбек Әсемқұлов руханияты
15.09.2025
965

Алтын Иманбаева. Мөлдір әлем иесі...
16.09.2025
869

«Біз Абай туралы күнде ойланамыз...»
16.09.2025
850

Бақыт Бәйтібаева. Диастың періштелері
15.09.2025
794

Мұқан Иманжанов жазбасындағы Мәлік Ғабдуллиннің өмір жолы
17.09.2025
782

«Абай жолы» эпопеясындағы көркем шындық пен тарихи шындық
15.09.2025
730

XX ғасыр басындағы қазақ әдебиетіндегі  драма жанры
14.09.2025
688

Ұлттық идея – ұлы Абай еңбектерінде жатыр...
18.09.2025
545

Қоңыр үнді домбыраның қоңыр кеші
19.09.2025
312

Сатирик ақын Асқар Тоқмағамбетовтің туғанына 120 жыл
19.09.2025
267

«BIKEN FEST» III халықаралық театр фестивалінің жеңімпаздары анықталы
19.09.2025
265

Қостанайда Міржақып ескерткіші ашылды
20.09.2025
264

Архивтегі ашық есік күні
19.09.2025
247

Төлен Әбдік. Ол кезде бәріміз бақылауда болдық
06.09.2025
3396

Жадыра Шамұратова. Нөлінші қабатта жоғалу
25.08.2025
3138

Жарық пен көлеңкенің арасын жазу
22.08.2025
2392

Жазушы және socialnetwork: идиократия қақпанында
27.08.2025
2309

Жазушы Қуандық Түменбай жетпіс жаста
22.08.2025
2185

Мұхарбек Жәкейұлы. Ай жарығында оқылған хат
28.08.2025
2103

«Солар жайлы ойлансын ұрпағымыз...»
10.09.2025
1878

Өркениеттік өлшем: сана дағдарысының қазіргі сәті
02.09.2025
1863

Сағындық Рахымжан. «Инженю...» (әңгіме)
02.09.2025
1824

Уақыт – үнсіз куәгер...
26.08.2025
1716

Тұрған жердің тарихын білеміз бе?
17.09.2025
1508

«AMANAT» партиясы «Кітап оқитын ұлт» жобасы аясында байқау жариялады
27.08.2025
1483

Баянауыл дейтін ел көрдік...
09.09.2025
1451

Тарыдай болып кіресің...
01.09.2025
1449

Қарағанды облысында «Кітап оқитын ұлт» жобасы басталды
22.08.2025
1394
Көп талқыланғандар